|
噶噶噶噶……首先呢，好多謝《時代論壇》社長李錦記……（麥太靜雞雞提水：「洪呀！」）……呀，係李錦洪先生，畀我做一期咁多嘅論壇小記者。我好想借呢個機會話畀大家知，我麥兜唔係臘鴨，而係金豬！ 媽媽話今年係金豬年喎，所以我好受歡迎，但係就點都比唔上畫我出嚟果個麥家碧咁受歡迎，而家等我訪問吓佢先。 |
  |
|
麥：麥家碧 |
兜：係呢，麥家碧呀，今年係豬年，我係咪搞到妳好忙呀？
麥：係呀，今年有好多人搵我合作，要創作好多關於豬嘅揮春同產品，不過最後要由marketing（市場部）決定出哪些，如果今年賣唔去，第二年就冇用啦，哈哈！
（麥太細細聲提水：「麥兜，你頭先唔記得同大家拜個豬年呀！」）
 |
|
兜：麥兜 |
兜：各位《時代論壇》嘅讀者，係呢度恭祝大家「豬年好肉」、「豬潤肉圓」、「豬肉年年」、「年年豬肉」、「豬頭進寶」、「豬肉好滑」……（編按：麥兜一邊偷看麥家碧的揮春初稿一邊照讀。）
兜：媽媽我恭完啦！……係呢麥家碧呀，妳係基督徒喎，點解妳唔帶我返教會嘅？唔用我嚟傳福音嘅？
麥：humm……我諗因為創作故事果位（編按：謝立文）不是基督徒，我不能勉強他在創作故事內容時這樣做，而我亦不覺得要這樣有目的地去講故事，這不是一個好的傳福音方法。
不過，你亦從來沒見過我們的故事出現一些反基督教或反宗教的內容，因為故事作者本身都是尊重宗教的人，這令我很comfortable（舒服）。……有時我在畫一個街景時，會畫間細細地嘅church（教堂），隱隱見到有個十字架；而你亦不會見到我畫拜神，有的只是麥太去掃墓，或是記念先賢長者的孝義行為。
兜：哦……咁妳自己讀聖經呢？聖經有提到我格，有冇諗起我呀？
麥：哈哈，不會！你對我來說已超過一隻豬的形象，是接近人類的東西，否則我便不用經常考慮給你穿甚麼衫、做些甚麼！……耶穌趕豬群落海的一段經文，我腦海出現的是一群黑色的野豬。
兜：咁妳多唔多幫基督教機構畫嘢架噶噶噶……
麥：我沒有刻意參與或不參與基督教的事工……其實這不是想像中般容易，一些主題先行的東西（編按：如涉及聖經教導），在創作時始終會綁住自己的手腳。創作對我來說，是純粹把生活上的事分享出來，有時是沒有conclusion（結論）的，也不強迫人去接受。如涉及有特定的立場、向人要求或教訓人一些東西，都是我不太喜歡的。我同謝立文合作，他幾乎是不解釋故事內容給我聽，甚至故事ending（結尾）也未必講給我聽，讓我自己去理解，我希望讀者也是這樣。
畫畫是整個生命的事情，不是分割的……（麥兜唸唸有詞：好想去食魚蛋粗呀，講咁耐嘅佢……）我有很多藝術家及創作的朋友都是基督徒，但都不會標籤著自己是基督教藝術家。當我創作時，內裡是有著一些宗教元素或神蹟的，因為創作本身已是全人的態度，能表達他的價值觀及取向……我能夠接觸畫畫已是一個很大的福氣，上帝給了我這個福氣，同時亦會拿走很多東西。我有很多東西都很蠢的：表達能力好混亂，寫嘢唔得唱歌跳舞乜都唔得，於是亦只有我一個咁樣嘅人，有咩唔清清楚楚講出來而是要畫出來。
兜：哦……冇粗麵呀！咁要魚蛋米呀！
麥：（未有理會麥兜神遊發呆）畫畫對我來說是有神的心意，當我能夠好專心及純粹地去畫畫時，像是親近到上帝及感覺到祂的喜樂般，這種親近是一個好大的福氣。很多畫畫的人都會有這類昇華的感受，不是祈禱可以比較的，是很難解釋的。
兜：噶噶噶噶……哦，很難解釋呀？！
麥：有樣嘢幾得意，最近我才發現原來我個名的「家」字，頂帽之下有個「豕」字，即係豬，你嘅出生原來早有玄機！（麥太：聖經真利害！骨中的骨，肉中的肉，包雞紙包雞包紙包雞呀！）
兜：多謝妳呀Miss Chan！（Miss Chan？麥太在滴汗）我麥兜唔係臘鴨，多謝各位！
（www.christiantimes.org.hk，時代論壇每日快拍，2007.2.21）
