琴日拎衫去隔离街洗衣铺洗，遇到负责呢几条街範围清洁嘅戚大姐。
「辉仔，今日休息唔驶返工？」
『系呀！所以有时间咪拎啲衫去洗罗。』
「系嘅，我哋呢啲房仔连洗衣机都冇位摆，不过我就自己洗衫，吓吓拎出去洗真系好贵.....」
『我冇计啦！间房都冇窗，洗咗都唔知几时干.....』
「点解你唔租间有窗嘅？不过有窗啲租又唔系咁计啦！」
再问吓佢地有关假期嘅福利，原来做外判清洁工唔好话放复活节假，什至有时连劳工假都冇得放齐，好似圣诞、元旦、农历新年、佛诞同重阳都冇得放。戚大姐话唔好讲呢啲节日假期，就算佢地最基本一个月四日嘅例假都放唔到，因为佢地呢行长期欠缺人手，好多时班工友都迫住冇得休息放假，继续开工，不停系呢个外判制度中被奴役……
讲到呢度，好多时好似戚大姐面对同样处境嘅工友，佢地就会话知道自己呢班低下阶层喺社会冇学识又冇文化，做得呢啲叫做乞儿工作就预咗有咁嘅待遇。我试过同基层工友讲，复活节点解有咁多日假期，因为系记念耶稣受难，佢为我地钉十架，三日后复活，俾我地生命有活的盼望。
点知个工友同我讲：「我地呢班穷人就真系日日都系受难节喇！你地圣诞又乜嘢复活节就有得放假，我地手停就口停呀！」
由耶稣降世，道成肉身，到最后被出卖、受辱，被钉上十架，除了成就救赎，他在地上的一生还成就了什么？
而作为信徒，我们除了借着耶稣的舍己，复活的凭证，因而可以上天堂之外，还能作什么？当耶稣口中说，贫穷人得好消息，被掳的得释放，瞎眼的得看见，被压迫的得自由，而上主的恩赐得着颂扬时，对我们信徒又代表着什么意思呢？
再回想自己生命在地上所追求的价值观时，耶稣又值得为我自己舍命而死吗？
主啊！多谢祢跟我们说话。我实在渴想祢医治我受伤的心，好叫它从那里伸向远远近近的人。我知道你也呼唤 : 「到我这里来吧，凡劳苦担重担的人，都会得着安息。」正当祢继续在历史中受苦、死亡和复活时，请给我们盼望、勇毅和信心，好让祢的心，把我们的心跟祢所有受苦子民的心联合起来，而成为对方聆听、同行与盼望的源头。
（作者为关怀贫穷学校生命教育干事）
