《饭戏攻心》有三兄弟，陈鸿（子华神），陈礼（张继聪）和陈熹（陈湛文），他们分别代表了三个世代。
陈鸿是中老年（大约六十岁），他好传统，因为阿妈讲过：「炉在，屋在」，所以一直死守间屋，话唔卖就唔卖。陈礼是中生代（大约四十岁），他会捉紧时机，有咩可以赚钱既都会入货短炒，就连拍拖都可以爱上大佬前度，机关算尽。陈熹（大约三十岁）成长于电子科技最火红的时代，他志愿是做打机达人，唔会依从传统方法生存，什至祖屋也可以卖咗佢，大家分钱去做自己想做既事。最后三个年代的男人炒了大镬。
嗯嗯，这个现象似唔似你教会呀？
两代的差距
N年前吕大乐有本书叫做《四代香港人》（噏得出呢本书就知我咩料啦，「噏得出」都写得出，就知我系石器时代啦卦），到今天仍然啱用。现在教会大部份话事的都是第二代的香港人（战后婴儿潮，baby boomer，即大约一九四六年至一九六五年出世嗰班人）。
陈鸿就是baby boomer，这一代人是成熟、世故、有些钱的代表。他们要守着很多教会传统，「擘饼聚会在，教会在」，「生命圣诗在，教会在」，「和合本在，教会在」。
陈礼当然就是第三代香港人，机灵、不默守成规、有位走就走。教会点解要将D钱放晒落定期呀，买汇丰或恒生收息，什至买返几层楼等佢升值唔好咩？陈鸿就会话，嗱嗱嗱，D钱系弟兄姊妹奉献俾教会，我们要做好管家，所以稳阵最重要，你睇而家楼股大跌，我当初系咪啱先。我虽然保守咋喎，但D钱仍在，钱在，教会在。陈礼就会话，我叫你地买楼既时候系二〇〇九年喎。
陈熹就代表新生代，教会睇圣经梗系用手机、教会报告利用下影音和剪片啦，圣经问答比赛仲举手作答？利用下科技好唔好？而陈鸿就会话，睇圣经梗系要hard copy，有质感，有重量，用手机想mark只字都唔得，喂，唔系唔得，系你陈鸿唔识咋。同埋老实呀，陈鸿你仲会唔会用得返你常常mark信息个本圣经？人有老花架，年轻个本圣经，mark最多野个本圣经，D字已变了蚊滋咁细，点睇呀！
懒鬼也听过好多六十开外的讲员，死都唔用PPT，要人揭圣经，话咁先有味道也追到前文后理。Fine，无话唔系，但唔好一定当系金科玉律，有D群体系有PPT既需要架。
最后这三代人唔妥到出哂面是由二〇一四年开始，去到二〇一九年就更是势成水火，于是好似陈氏三兄弟咁，在最后一幕暴走开战。
传统由谁决定？
边个去化解这场恩怨？系三兄弟个阿妈，最搞鬼系阿妈同陈鸿讲，我有讲过炉在，屋在咩？唔鬼记得啦。最紧要系咩呀：「打开门，行出去，行远D」。
有无听过堂主任咁同你讲，呢个传统唔系我话架，系前前前堂主任定落黎，要改，会引起好大的不便和哄动架。实情系而家个堂主任想这个传统永续落去，于是前前前堂主任就食硬这只死猫，因为通常呢个级数的堂主任都主怀安息咗。
化解世代之争？
有无得化解世代之争？懒鬼一直觉得有，但最后双方都唔肯做之麻。个方法就系陈鸿一代要多了解陈熹一代，但同时，陈熹一代都要去理解下大哥点解要死守着一些传统，而唔系一句话你D谂法out咗啦就得。方法虽然好简单，好老土，但老土的方法通常系work架。
另外，陈鸿一代的人又不可以输打赢要，即系搞音响、搞剪片、带camp就用尽陈熹一代，但只要俾少少不合传统的意见就唔鬼理人，懒鬼唔建议呀，他们不是工具人罗！年轻一代又可以试下问长老级，点解佢地死都要守住唱《颂主圣歌》和用《和合本》，了解咗之后又或者会有新的体会呢，最起码是明上一代信徒的谂法呀。
就正如新世代一拣有关信心的诗歌，就要唱《咸蛋音乐事工》的〈凭信跨过〉才算系一件事，而点解唔可以唱返只〈深知所信〉先，都系讲信心咋喎（利申，懒鬼好喜欢〈凭信跨过〉这首歌架）。
如果次次都要安息主怀的老牧师（类比廖子妤）报个梦俾你才改变，咁会唔会太chur呀（我讲安息主怀既牧师）。
（转载自作者「懒鬼神学」专页。标题及分题为编者所拟。）
守护自由空间，请支持基督教《时代论坛》
可选择：📲 PayMe 或 💳 网上捐款（信用卡）或
⚡️转数快FPS +852 51100803（注明奉献，如需收据请附姓名及电话）
